Sharafat soz Tasveeron ki Uryani nahi jati
Adab ki Aarr mn Targheeb-e-Roomani nahi jati
Khuda maloom Nasl-e-Nau ka kya Anjam hona hai?
Watan se Fahash Naghmon ki Farawani nahi jati
Azaab aaye to us mn Senkron ki
jaan jati hai
Nahi jati to Shetanon ki shetani nahi jati
Kaheen Basti ki basti Boond pani ko Tarasti hai
Kaheen Baarish brasti hai to Tughyani nahi jati
Jahan k Zarray zarray se Numaya hai Jalal us ka
Mgr hum se Khuda ki Zaat Pehchani nahi jati
Zamana is Qadar Qaayal hua hai FAIZ jhooton ka
Jo Sach kehte hn un ki aik bhi Maani nahi jati....!
No comments:
Post a Comment